Hamia kwako na Watumishi Housing Company, Tanzania

Kiongozi wa Upinzani Uganda Kizza Besigye akamatwa na polisi kwa mara nyingine


mediaKiongozi wa upinzani, Kizza Besigye akisindikizwa na maofisa wa gereza la Luzira alikokuwa akishikiliwaDR
Kiongozi wa upinzani nchini Uganda Daktari Kizza Besigye amekamatwa na polisi jumamosi alipokuwa akitoka nyumbani kwake kasangati wilayani Wakiso.
Muda mfupi kabla ya kukamatwa kwake Dr Besigye,kama kawaida alirushiana maneno na mkuu wa polisi wa kituo cha Kasangati Bwana Robert Kachumu.
Daktari kizza Besigye alikamatwa baada ya kutomjibu afisa huyo wa polisi ambaye alitaka kujua Kizza Besigye anaenda wapi.
Kwa mujibu wa Daily Monitor la nchini Uganda Kizza Besigye alijitetea kuwa ana haki ya kutembea kama raia wengine.
Besigye analaani kuzuiwa nyumbani na uwepo wa askari wengi kuzunguka makazi yake.
Besigye ambaye alikuwa mgombea uraisi kwa tiketi ya chama cha FDC alikamatwa masaa kadhaa baada ya kundi la wanachama wa upinzani kuwaambia waandishi wa habari kuwa wana mpango wa kuligawa bunge kufuatia kuzuiwa nyumbani kwa kiongozi huyo.
Inaelezwa kuwa Daktari Kizza Besigye anashikiliwa katika kituo cha polisi Nagalama wilayani Mukono.
Share on Google Plus

About Elijah Kitomari

0 comments:

Post a Comment